Qaraǵandyda kárizge jaqyn jerde asfalt opyrylyp qaldy. Oqys oqiǵa bolǵan jer ýaqytsha jabyldy, - dep habarlaidy Massaget.kz.
Asfalt 21 shildege qaraǵan túni Mailin men Órken kósheleriniń qiylysynda opyrylǵan. Sol jerde tereńdigi úsh metr, eni eki metr shuńqyr paida boldy. Oqiǵanyń videosy áleýmettik jelilerde jariialandy.
"Qaraǵandy Sý" JShS málimetinshe, apat bolǵan jerge jedel top attanǵan.
"Shildeniń 21-ine qaraǵan túni Mailin kóshesindegi "Qaraǵandy Sý" JShS-niń káriz kollektorynda asfalt opyrylyp, tótenshe jaǵdai boldy. Oqiǵa ornyna dereý brigada bardy, olar qorshaýlar men belgiler qoiyp, kezekshilikte boldy", - dep habarlady "Qaraǵandy Sý" JShS.
Búgin tańerteń kommýnaldyq qyzmet brigadasy aqaýdy joiý úshin káriz júiesindegi apattyq jumystardy bastady. Aldaǵy ýaqytta asfalt tósenishteri qalpyna keltiriledi, dep ýáde berdi kompaniia.
