"Oqiǵa Stepnoi-4 yqshamaýdanyndaǵy №5 mektep mańynda boldy. Úige kele jatqanymyzda kenetten qarǵybaýy, tumyldyryǵy joq úlken it atyp shyqty. Ol birden sińilime jabysyp, onyń qolyn, aiaǵyn, ishin tistep, jaraqattady. Kýágerler aiǵaiǵa júgirip kelip, ony taiaqpen uryp-soǵyp, burysh spreiin shasha bastady, sodan keiin it sińlimdi jiberdi. Joldan kólik toqtatyp, jetkizip tastaýyn suradyq, 400 metrdei jerde turamyz. Jedel járdem, politsiia shaqyrdyq, olar aýrýhanada alǵashqy meditsinalyq kómek kórsetti", - delingen jazbada.
Sondai-aq, avtor it shabýylynan ózderi ǵana zardap shekpegenin aitty. Onyń aitýynsha, it 20 jas shamasyndaǵy jigitterge de shabýyl jasaǵan.
"Olar aýrýhanaǵa biz bolǵan kezde keldi. It kólikke sekirip, áinegin syndyrǵan. Shamasy, ittiń iesi aiǵaidy estip, qashyp ketken. Biz ony da, itti de tapqymyz keledi. Ol taǵy da shabýyl jasaýy múmkin. Bul jazasyz qalmaýy kerek", - dep qosty jazba avtory.
Qaraǵandy oblystyq Politsiia departamentiniń baspasóz qyzmeti oqiǵaǵa qatysty pikir bildirdi. Vedomstvo málimetinshe, osyǵan deiin aýdanda it tistegeni týraly shaǵymdar bolmaǵan.
"20 shildede saǵat 00.10 shamasynda Stepnoi-4 yqshamaýdany 15/2 úi mańynda it qalanyń kámeletke tolmaǵan turǵynyn tistep alǵan. Saldarynan kámeletke tolmaǵan bala meditsinalyq kómekke júgingen. Qazirgi ýaqytta jedel-izdestirý sharalary júrgizilip jatyr. Janýardyń iesin jaýapqa tartý úshin anyqtaý jumystary júrgizilip jatyr", - delingen habarlamada.
Foto: t.me/patriot_patriot
