Qaraǵandynyń ortalyǵynda er adam kiimin sheship tastap, bes qabatty úidiń shatyryna shyǵyp ketken. Mundai qadamǵa ol otbasylyq janjaldan keiin barǵan, dep habarlaidy "Ult aqparat".
Qaraǵandynyń tanymal pablikteriniń birinde jalańash kúiinde kópqabatty úidiń shatyrynda otyrǵan er adam týraly video jariialandy. Jaqyn mańdaǵy úilerdiń turǵyndary ony kórip, politsiia jasaǵyn shaqyrǵan. Oqiǵa ornyna jedel túrde patrýldik politsiia polkiniń eki qyzmetkeri kelip jetti. Tártip saqshylary kópqabatty úidiń shatyryna shyǵyp ketken er adamnyń ómirin saqtap qaldy.
Keiin anyqtalǵandai, er adam týǵan-týystarymen janjaldasqannan keiin úidiń tóbesine kóterilgen. Ol jerde aiazdy kúni kiimsiz jarty saǵattan artyq ýaqyt otyrǵan.
«Habarlama 102 telefonyna 18.20 shamasynda kelip tústi. Qaraǵandy politsiia basqarmasynyń JBO kezekshisi oqiǵa ornyna jaqyn jerdegi politsiia nariadyn jiberdi. Patrýldik politsiia polkiniń qatardaǵy sarbazy Damir Orazov pen stajer Timýr Sultanǵazy er adamdy anyqtady. Politsiia qyzmetkerleri 31 jasar er adamdy úidiń tóbesinen túsirip alǵan soń, oqiǵa ornyna jedel járdem kóligi shaqyrtyldy», - delingen Polisia.kz aqparattyq media-portalda
Aldyn ala málimetter boiynsha, er adam ishimdik ishken. Dárigerler habarlaǵandai, onyń qoly men aiaq saýsaqtaryn I dárejeli úsik shalǵan.
