Qaraǵandy oblysynyń tártip saqshylary internet arqyly dárilik preparattardy zańsyz satý faktisin anyqtady. Tergeý barysynda jedel ýákilder Balqash qalasynyń turǵynyn ustady, dep habarlaidy Qaraǵandy oblysy Politsiia departamentiniń baspasóz qyzmeti
5 shilde kúni Balqash qalalyq politsiia bólimi esirtki qylmysyna qarsy kúres bólimshesiniń qyzmetkerleri áleýmettik jelilerge monitoring júrgizý barysynda dári-dármekterdi zańsyz satý faktisin anyqtaǵan. Habarlandyrýlarǵa sáikes, paraqshanyń avtory «Antaris» dárilik preparatyn satýmen ainalysqan. Bul preparat qant diabetimen aýyratyn adamdardy emdeýge arnalǵan. Belgili bolǵandai, dári-dármekterge litsenziia bolmaǵan jáne olar dárigerdiń retseptisiz satylyp kelgen.
«Satýshy Balqash qalasynyń 49 jastaǵy turǵyny bolyp shyqty. Politsiia qyzmetkerleri onyń internet arqyly «Antaristyń» 6 qaptamasyn (180 tabletkasyn) satyp úlgergenin anyqtady», - dep habarlady baspasóz qyzmetinen.
Atalǵan fakti boiynsha ákimshilik hattama toltyryldy. Material QR ÁQBK 424-baby «Zańsyz meditsinalyq jáne (nemese) farmatsevtikalyq qyzmet» boiynsha ákimshilik sotqa qaraýǵa jiberildi.
