Qaraǵandy oblysynyń karantinge jabylatyn 5 qalasynda birqatar shekteý qoiylady, dep habarlaidy QazAqparat.
Shekteý 30 naýryz 00.00 saǵattan bastap, iaǵni jeksenbi túnde engiziledi.
Osy kúnnen bastap atalǵan bes qalanyń turǵyndaryna otbasy múshelerin qospaǵanda, úsh adamnan astam toppen jinalýǵa tyiym salynady. Azyq-túlik, dári-dármek, bank qyzmetterin satyp alýdy jáne jumysqa barý qajettiligin qospaǵanda, azamattardyń úiden shyǵýyna shekteý qoiylady.
65 jastan asqan adamdarǵa dalaǵa shyǵýǵa bolmaidy.
Kámeletke tolmaǵandarǵa eresektersiz úiden shyǵýǵa tyiym salynady.
Erekshe ókimge deiin barlyq qoǵamdyq oryndar jabylatyn bolady. Ol - saiabaqtar, gúlzarlar, balalardyń oiyn jáne sport alańdary. Biznes-ortalyqtar 10.00-den 15.00-ge deiin jumys isteidi.
Dámhanalar men meiramhanalar jetkizý rejiminde ǵana jumys istei alady.
Barlyq azyq-túlik emes dúkender, jeke menshik jáne memlekettik balabaqshalar, sulýlyq salondary, qoǵamdyq monshalar, saýnalar, býkmekerlik keńseler jáne basqa da qyzmet kórsetý mekemeleri jumysyn toqtatady.
Karantindik qalalar arasyndaǵy kólik qatynasy ázirge toqtatylǵan joq. Qozǵalys 2020 jylǵy 2 sáýirde 00.00-den bastap shekteledi.
Sondai-aq, avto jáne temirjol vokzaldarynyń, áýejaidyń (arnaiy reister shektelmeidi) jumysy ýaqytsha toqtatylyp, qoǵamdyq kóliktiń jumysy shekteletinin jáne karantindik aimaqtyń tolyq qorshalýy qamtamasyz etiledi.
Eńbek kóshi-qony máseleleri jergilikti ákimdiktermen jáne jumys berýshilermen birlesip sheshiletin bolady.
Esterińizge sala keteiik, búǵan deiin Qaraǵandy oblysynyń birqatar qalasy karantinge jabylatyndyǵy týraly habarlaǵan bolatynbyz .
