Memleket basshysynyń Jarlyǵymen Jeńis Qasymbek Qaraǵandy oblysynyń ákimi qyzmetine taǵaiyndaldy, dep habarlaidy QaAqparat Aqordaǵa silteme jasap.
«Jeńis Mahmuduly Qasymbek Qaraǵandy oblysynyń ákimi bolyp taǵaiyndalsyn, ol Qazaqstan Respýblikasy Premer-Ministriniń orynbasary qyzmetinen bosatylsyn», delingen qujatta.
Eske sala ketsek, keshe Prezident Qaraǵandy oblysy ákimi laýazymyna Jeńis Qasymbekti usynǵan bolatyn. Al, Qaraǵandy oblysynyń ákimi qyzmetin atqarǵan Erlan Qoshanov QR Prezidenti Ákimshiliginiń basshysy qyzmetine taǵaiyndalǵan edi.
Jeńis Qasymbek 1975 jyly 7 qańtarda Jambyl oblysy Shý qalasynda dúniege kelgen.
Qazaq memlekettik sáýlet-qurylys akademiiasynyń sáýlettik orta dizainy fakýltetin (1997), Eýraziia ýniversitetiniń memlekettik jáne mýnitsipaldyq basqarý isi fakýltetin (2001) ekonomist mamandyǵy boiynsha bitirgen.
1998 jyldan - «TemirBank» AAQ bas mamany. 1998 jyldan - QR Tabiǵi monopoliialardy retteý jáne básekelestikti qorǵaý agenttiginde temirjol kóligi jáne porttar bóliminiń bastyǵy. 1999 jyldyń qarashasynan jeltoqsanyna deiin - QR Kólik jáne kommýnikatsiialar ministrliginiń Úilestirý departamentinde kólik saiasaty bóliminiń bastyǵy. 1999 jyldyń jeltoqsanynan - QR Kólik jáne kommýnikatsiialar ministrliginde Keliktegi tariftik saiasat basqarmasynyń bastyǵy. 2000 jyldyń sáýirinen mamyryna deiin - QR Kólik jáne kommýnikatsiialar ministrliginde Kóliktegi tariftik saiasat departamenti direktorynyń orynbasary. 2000 jyldyń mamyrynan qazanyna deiin - QR Kólik jáne kommýnikatsiialar ministrliginiń Kóliktegi tariftik saiasat departamenti direktorynyń orynbasary. 2000 jyldyń qazanynan jeltoqsanyna deiin - QR Kólik jáne kommýnikatsiialar ministrliginiń Sý kóligi departamenti direktorynyń m.a. 2000 jyldyń jeltoqsanynan - QR Kólik jáne kommýnikatsiia ministrliginde Sý kóligi departamentiniń direktory. 2004 jyldan - «Aqtaý halyqaralyq teńiz saýda porty» RMK direktory. 2005 jyldan - QR kólik jáne kommýnikatsiialar vitse-ministri. 2009 jyldan - QR Kólik jáne kommýnikatsiialar ministrliginiń jaýapty hatshysy. 2014 jylǵy naýryz-maýsym ailarynda - QR Kólik jáne kommýnikatsiialar ministri. 2014-2016 jyldary Qazaqstan Respýblikasy Investitsiialar jáne damý ministriniń birinshi orynbasary boldy. 2016-2018 jyldary QR Investitsiialar jáne damý ministri. 2018-2019 jyldary - QR Indýstriia jáne infraqurylymdyq damý ministri.
2019 jyldyń aqpanynda Qazaqstan Respýblikasy Premer Ministriniń orynbasary qyzmetine taǵaiyndaldy.
«Qurmet» ordenimen, «Qazaqstan Respýblikasynyń táýelsizdigine 10 jyl» (2001), «Astananyń 10 jyldyǵy» (2008) medaldarmen marapattalǵan.
