Foto: gov.kz
Qaraǵandy oblysynyń ákimi Jeńis Qasymbek balalarynyń jalpy bilim beretin orta mektepterde oqyǵanyn, Qazaqstannyń bilim berý júiesine senim artatynyn aitty, - dep habarlaidy Tengrinews.kz.
"Suraq sizdiń balalaryńyzǵa qatysty. Jaqynda bilim ministri Saiasat Nurbek balalary Kiprde oqyǵanyn aitty. Aityńyzshy, sizdiń balalaryńyz qandai mektepte oqydy? Olardy ózińizben birge Qaraǵandyǵa alyp keldińiz be jáne jalpy bilim beretin mektepterdiń muǵalimderine senesiz be", - dep surady jýrnalist OKQ brifinginde.
Jeńis Qasymbek úlken balalary Nur-Sultandaǵy №9 orta mektepte oqyǵanyn, al kishi ulyn qyzmetke taǵaiyndalǵannan keiin ózimen birge Qaraǵandyǵa alyp kelgenin aitty.
"Senemin. Úlken balalarym sol kezde (Jeńis Qasymbek 2019 jyly oblys ákimi bolyp taǵaiyndalǵanda. - Avtor.) mektep bitirip jatqan. №9 óte jaqsy mektep. Al Qaraǵandyda, bir qalada jeti joǵary oqý orny bar, onda 30 myńnan astam stýdent oqidy. Jalpy, Qaraǵandydaǵy bilim berý júiesi elimiz boiynsha úzdikterdiń biri dep esepteimin", - dedi ákim.
