فوتو: gov.kz
قاراعاندى وبلىسىنىڭ ەكٸمٸ جەڭٸس قاسىمبەك بالالارىنىڭ جالپى بٸلٸم بەرەتٸن ورتا مەكتەپتەردە وقىعانىن, قازاقستاننىڭ بٸلٸم بەرۋ جٷيەسٸنە سەنٸم ارتاتىنىن ايتتى, - دەپ حابارلايدى Tengrinews.kz.
"سۇراق سٸزدٸڭ بالالارىڭىزعا قاتىستى. جاقىندا بٸلٸم مينيسترٸ ساياسات نۇربەك بالالارى كيپردە وقىعانىن ايتتى. ايتىڭىزشى, سٸزدٸڭ بالالارىڭىز قانداي مەكتەپتە وقىدى? ولاردى ٶزٸڭٸزبەن بٸرگە قاراعاندىعا الىپ كەلدٸڭٸز بە جەنە جالپى بٸلٸم بەرەتٸن مەكتەپتەردٸڭ مۇعالٸمدەرٸنە سەنەسٸز بە", - دەپ سۇرادى جۋرناليست وكق بريفينگٸندە.
جەڭٸس قاسىمبەك ٷلكەن بالالارى نۇر-سۇلتانداعى №9 ورتا مەكتەپتە وقىعانىن, ال كٸشٸ ۇلىن قىزمەتكە تاعايىندالعاننان كەيٸن ٶزٸمەن بٸرگە قاراعاندىعا الىپ كەلگەنٸن ايتتى.
"سەنەمٸن. ٷلكەن بالالارىم سول كەزدە (جەڭٸس قاسىمبەك 2019 جىلى وبلىس ەكٸمٸ بولىپ تاعايىندالعاندا. - اۆتور.) مەكتەپ بٸتٸرٸپ جاتقان. №9 ٶتە جاقسى مەكتەپ. ال قاراعاندىدا, بٸر قالادا جەتٸ جوعارى وقۋ ورنى بار, وندا 30 مىڭنان استام ستۋدەنت وقيدى. جالپى, قاراعاندىداعى بٸلٸم بەرۋ جٷيەسٸ ەلٸمٸز بويىنشا ٷزدٸكتەردٸڭ بٸرٸ دەپ ەسەپتەيمٸن", - دەدٸ ەكٸم.
