Foto: Polisia.kz
Qaraǵandy oblysynda politseiler jekemenshik zoodúkennen Qyzyl kitapqa engen janýardy tárkiledi, - dep habarlaidy Ult.kz.
Qaraǵandy oblysy PD tabiǵatty qorǵaý politsiiasynyń qyzmetkerlerine Temirtaý qalasyndaǵy zoodúkende Qyzyl kitapqa engen sirek kezdesetin janýardyń bar ekeni týraly habarlama tústi.
"Zooqorǵaý aliansy" ókilderimen birlesken tekserý barysynda jekemenshik kollektsiialarda ustaýǵa qatań tyiym salynǵan, joiylyp ketý qaýpi bar qońyr kapýtsin (primattar tuqymdasy) anyqtaldy. Dúken iesi bul janýarǵa qatysty eshqandai qujat usyna almady", - delingen habarlamada.
Foto: Polisia.kz
35 jastaǵy zoodúkenniń basqarýshysynyń aitýynsha, kapýtsin oǵan ýaqytsha kútip-baǵýǵa qaldyrylǵan, alaida iesi eshqandai qujat bermegeni belgili boldy.
"Joiylyp bara jatqan janýarlarmen zańsyz ainalysý faktisi boiynsha qylmystyq is qozǵaldy. Tergeý áreketteri barysynda bul sirek kezdesetin janýardyń Qazaqstanǵa qalai ákelingeni anyqtalatyn bolady. Qujattardy tekserý kezinde zańdy rastaityn qujattary joq dala túlkisi (stepnoi korsak) de tabyldy. Zoodúken iesi ákimshilik jaýapkershilikke tartyldy", - dedi politsiiada.
