Qaraǵandy oblysyndaǵy joldy jóndeýde talaptardyń buzylýyn ulttyq jol aktivteri sapasy ortalyǵy anyqtady, dep habarlaidy "Ult aqparat" QR IIDM baspasóz qyzmetine silteme jasap.
QR IIDM Avtomobil joldary komiteti Ulttyq jol aktivteri sapasy ortalyǵynyń mamandary oblystyq mańyzǵa ie «Qaraǵandy-Shahtinsk – Esengeldi –Sherbakovskoe –Kievka» tasjolynyń 0-14 shaqyrymy aralyǵyn jóndeýdegi jumystar men materialdardyń sapasyn tekserý maqsatynda saraptama júrgizdi.
Ortalyqtyń Qaraǵandy oblysy boiynsha filialy nysanǵa 5 ret baryp, jol-qurylys materialdarynyń 3 synamasyn alǵan bolatyn. Zertteý nátijesi joldyń 12, 8 shaqyrymynda kedir-budyrly bettik óńdeý boiynsha 800 metrlik jerde aqaýlar baryn kórsetti.
Jumystardyń sapasyz oryndalýyna bailanysty «Progress KZ» JShS-na atalmysh ýchaskege jol qabatyn qaita tóseý qajettigi týraly eskertý joldandy. Sonymen qatar, Qaraǵandy oblysynyń ákimdigi merdiger kompaniiaǵa qatysty «Progress KZ» JShS memlekettik satyp alýlardyń josyqsyz qatysýshysy» dep taný týraly sotqa joldanatyn talap-aryz daiyndady.
Merdiger kompaniia atalmysh joldaǵy jóndeý jumystaryn 2018 jyly bastap, biyl aiaqtaýy tiis edi.
Aita ketý kerek, respýblikalyq jáne jergilikti mańyzy bar joldardy jóndeýdegi jumystar men materialdardyń sapasyn tekserýge baǵyttalǵan saraptamany Ulttyq jol aktivteri sapasy ortalyǵy Qazaqstannyń barlyq óńirlerinde júrgizýde.
