قاراعاندى وبلىسىنداعى جولدى جٶندەۋدە تالاپتاردىڭ بۇزىلۋىن ۇلتتىق جول اكتيۆتەرٸ ساپاسى ورتالىعى انىقتادى, دەپ حابارلايدى "ۇلت اقپارات" قر ييدم باسپاسٶز قىزمەتٸنە سٸلتەمە جاساپ.
قر ييدم اۆتوموبيل جولدارى كوميتەتٸ ۇلتتىق جول اكتيۆتەرٸ ساپاسى ورتالىعىنىڭ ماماندارى وبلىستىق ماڭىزعا يە «قاراعاندى-شاحتينسك – ەسەنگەلدٸ –ششەرباكوۆسكوە –كيەۆكا» تاسجولىنىڭ 0-14 شاقىرىمى ارالىعىن جٶندەۋدەگٸ جۇمىستار مەن ماتەريالداردىڭ ساپاسىن تەكسەرۋ ماقساتىندا ساراپتاما جٷرگٸزدٸ.
ورتالىقتىڭ قاراعاندى وبلىسى بويىنشا فيليالى نىسانعا 5 رەت بارىپ, جول-قۇرىلىس ماتەريالدارىنىڭ 3 سىناماسىن العان بولاتىن. زەرتتەۋ نەتيجەسٸ جولدىڭ 12, 8 شاقىرىمىندا كەدٸر-بۇدىرلى بەتتٸك ٶڭدەۋ بويىنشا 800 مەترلٸك جەردە اقاۋلار بارىن كٶرسەتتٸ.
جۇمىستاردىڭ ساپاسىز ورىندالۋىنا بايلانىستى «پروگرەسس KZ» جشس-نا اتالمىش ۋچاسكەگە جول قاباتىن قايتا تٶسەۋ قاجەتتٸگٸ تۋرالى ەسكەرتۋ جولداندى. سونىمەن قاتار, قاراعاندى وبلىسىنىڭ ەكٸمدٸگٸ مەردٸگەر كومپانيياعا قاتىستى «پروگرەسس KZ» جشس مەملەكەتتٸك ساتىپ الۋلاردىڭ جوسىقسىز قاتىسۋشىسى» دەپ تانۋ تۋرالى سوتقا جولداناتىن تالاپ-ارىز دايىندادى.
مەردٸگەر كومپانييا اتالمىش جولداعى جٶندەۋ جۇمىستارىن 2018 جىلى باستاپ, بيىل اياقتاۋى تيٸس ەدٸ.
ايتا كەتۋ كەرەك, رەسپۋبليكالىق جەنە جەرگٸلٸكتٸ ماڭىزى بار جولداردى جٶندەۋدەگٸ جۇمىستار مەن ماتەريالداردىڭ ساپاسىن تەكسەرۋگە باعىتتالعان ساراپتامانى ۇلتتىق جول اكتيۆتەرٸ ساپاسى ورتالىعى قازاقستاننىڭ بارلىق ٶڭٸرلەرٸندە جٷرگٸزۋدە.
