Qaraǵandy oblysynyń Shet aýdany Aqshoqy aýylynda mal qyrylý deregi tirkeldi. Oblystyq veterinariia qyzmeti aýrýdyń sebebin anyqtap jatyr. Ázirge aýyldy qorshai karantin beketi ornatylǵan, dep habarlaidy QazAqparat.
Maldyń jappai qyrylýyn Aqshoqy aýylynyń turǵyndary sońǵy on kúnde baiqaǵan.
Veterinarlar muny belgisiz sipattaǵy infektsiialyq aýrý dep otyr.
Bas-aiaǵy 240 bas mal dert juqtyrǵan. Onyń ishinde resmi derekterge súiensek, 76 iri qara aram ólgen. Basym bóligi - buzaýlar.
Aýyl turǵyndarynyń aitýynsha, janýarlardyń kenetten tábeti joǵalyp, jatyp qalady.
«Ólekseler insinerator arqyly órteldi. Joiý jumystary aýyldyq okrýgke tiesili eski mal qorymynyń aýmaǵynda, múddeli memlekettik organdardyń, aýdandyq veterinariialyq stantsiia mamandarynyń qatysýymen júrgizildi. Veterinarlar mal ielerimen birlesip, aýyrǵan janýarlarǵa simptomatikalyq emdeý sharalaryn júrgizip jatyr», - dep habarlady Qaraǵandy oblystyq veterinariia basqarmasynyń baspasóz qyzmeti.
Jalpy Aqshoqy aýyldyq okrýginde 2,5 myńnan astam iri qara mal bar.
Mamandar derttiń tarap ketýine jol bermes úshin aýyldyń kireberisine beket ornatty.
Aýrýdyń diagnozyn anyqtaý maqsatynda synama alynyp, respýblikalyq veterinariia zerthanasynyń Qaraǵandy oblystyq filialyna jetkizildi.
