قاراعاندى وبلىسىنىڭ شەت اۋدانى اقشوقى اۋىلىندا مال قىرىلۋ دەرەگٸ تٸركەلدٸ. وبلىستىق ۆەتەرينارييا قىزمەتٸ اۋرۋدىڭ سەبەبٸن انىقتاپ جاتىر. ەزٸرگە اۋىلدى قورشاي كارانتين بەكەتٸ ورناتىلعان, دەپ حابارلايدى قازاقپارات.
مالدىڭ جاپپاي قىرىلۋىن اقشوقى اۋىلىنىڭ تۇرعىندارى سوڭعى ون كٷندە بايقاعان.
ۆەتەرينارلار مۇنى بەلگٸسٸز سيپاتتاعى ينفەكتسييالىق اۋرۋ دەپ وتىر.
باس-اياعى 240 باس مال دەرت جۇقتىرعان. ونىڭ ٸشٸندە رەسمي دەرەكتەرگە سٷيەنسەك, 76 ٸرٸ قارا ارام ٶلگەن. باسىم بٶلٸگٸ - بۇزاۋلار.
اۋىل تۇرعىندارىنىڭ ايتۋىنشا, جانۋارلاردىڭ كەنەتتەن تەبەتٸ جوعالىپ, جاتىپ قالادى.
«ٶلەكسەلەر ينسينەراتور ارقىلى ٶرتەلدٸ. جويۋ جۇمىستارى اۋىلدىق وكرۋگكە تيەسٸلٸ ەسكٸ مال قورىمىنىڭ اۋماعىندا, مٷددەلٸ مەملەكەتتٸك ورگانداردىڭ, اۋداندىق ۆەتەرينارييالىق ستانتسييا ماماندارىنىڭ قاتىسۋىمەن جٷرگٸزٸلدٸ. ۆەتەرينارلار مال يەلەرٸمەن بٸرلەسٸپ, اۋىرعان جانۋارلارعا سيمپتوماتيكالىق ەمدەۋ شارالارىن جٷرگٸزٸپ جاتىر», - دەپ حابارلادى قاراعاندى وبلىستىق ۆەتەرينارييا باسقارماسىنىڭ باسپاسٶز قىزمەتٸ.
جالپى اقشوقى اۋىلدىق وكرۋگٸندە 2,5 مىڭنان استام ٸرٸ قارا مال بار.
ماماندار دەرتتٸڭ تاراپ كەتۋٸنە جول بەرمەس ٷشٸن اۋىلدىڭ كٸرەبەرٸسٸنە بەكەت ورناتتى.
اۋرۋدىڭ دياگنوزىن انىقتاۋ ماقساتىندا سىناما الىنىپ, رەسپۋبليكالىق ۆەتەرينارييا زەرتحاناسىنىڭ قاراعاندى وبلىستىق فيليالىنا جەتكٸزٸلدٸ.
