Qaraǵandy oblysynda «Art Tekstil» kásipornynyń basshylary zańsyz bankrottyq jasaǵany úshin sottaldy, dep habalaidy "Ult aqparat" Qarjylyq monitoring agenttigine silteme jasap.
Vedomstvonyń málimdeýinshe, ádeii jáne jalǵan bankrottyq - qaryzdardan qutylýdyń eń jii qoldanylatyn tásili.
«Kóbinese zańsyz bankrottyq bylai jasalady, kompaniia bankten úlken kólemde nesie alady, sodan keiin kepilmen qamtamasyz etilmegen qundy aktivterdi shyǵaryp alady da, esepshottar úshin tólem júrgizýdi toqtatady jáne sáikesinshe biýdjetke tólem jasalmaidy. Osydan keiin ol bankrottyq rásimin bastaidy», delingen habarlamada.
Agenttiktiń Qaraǵandy oblysy boiynsha aýmaqtyq departamenti «Art Tekstil» JShS-nyń ádeii bankrottyq jasaýyna qatysty fakt boiynsha qylmystyq isti tergedi.
«Tergeý barysynda kásiporynnyń quryltaishysy men basshysy I.Felker men R. Kýran kásiporyn bankrot dep tanylǵanǵa deiin 3 jyl ishinde múlikke - jer ýchaskesin, ǵimaratty, avtokólikti ielený quqyǵyn jalǵan tulǵalarǵa zańsyz bergeni anyqtaldy.
Osylaisha, olar jalpy somasy 86 millionnan astam teńgege salyq tóleýden jaltarýǵa tyrysqan», delingen habarlamada.
«Art Tekstil» JShS múlkin berý jáne satý týraly sharttar jaramsyz dep tanyldy, barlyq múlik qaitaryldy.
I. Felker men R. Kýran 1,5 jylǵa bas bostandyǵyn shekteý jazasyna tartyldy.
