قاراعاندى وبلىسىندا «ارت تەكستيل» كەسٸپورنىنىڭ باسشىلارى زاڭسىز بانكروتتىق جاساعانى ٷشٸن سوتتالدى, دەپ حابالايدى "ۇلت اقپارات" قارجىلىق مونيتورينگ اگەنتتٸگٸنە سٸلتەمە جاساپ.
ۆەدومستۆونىڭ مەلٸمدەۋٸنشە, ەدەيٸ جەنە جالعان بانكروتتىق - قارىزداردان قۇتىلۋدىڭ ەڭ جيٸ قولدانىلاتىن تەسٸلٸ.
«كٶبٸنەسە زاڭسىز بانكروتتىق بىلاي جاسالادى, كومپانييا بانكتەن ٷلكەن كٶلەمدە نەسيە الادى, سودان كەيٸن كەپٸلمەن قامتاماسىز ەتٸلمەگەن قۇندى اكتيۆتەردٸ شىعارىپ الادى دا, ەسەپشوتتار ٷشٸن تٶلەم جٷرگٸزۋدٸ توقتاتادى جەنە سەيكەسٸنشە بيۋدجەتكە تٶلەم جاسالمايدى. وسىدان كەيٸن ول بانكروتتىق رەسٸمٸن باستايدى», دەلٸنگەن حابارلامادا.
اگەنتتٸكتٸڭ قاراعاندى وبلىسى بويىنشا اۋماقتىق دەپارتامەنتٸ «ارت تەكستيل» جشس-نىڭ ەدەيٸ بانكروتتىق جاساۋىنا قاتىستى فاكت بويىنشا قىلمىستىق ٸستٸ تەرگەدٸ.
«تەرگەۋ بارىسىندا كەسٸپورىننىڭ قۇرىلتايشىسى مەن باسشىسى ي.فەلكەر مەن ر. كۋران كەسٸپورىن بانكروت دەپ تانىلعانعا دەيٸن 3 جىل ٸشٸندە مٷلٸككە - جەر ۋچاسكەسٸن, عيماراتتى, اۆتوكٶلٸكتٸ يەلەنۋ قۇقىعىن جالعان تۇلعالارعا زاڭسىز بەرگەنٸ انىقتالدى.
وسىلايشا, ولار جالپى سوماسى 86 ميلليوننان استام تەڭگەگە سالىق تٶلەۋدەن جالتارۋعا تىرىسقان», دەلٸنگەن حابارلامادا.
«ارت تەكستيل» جشس مٷلكٸن بەرۋ جەنە ساتۋ تۋرالى شارتتار جارامسىز دەپ تانىلدى, بارلىق مٷلٸك قايتارىلدى.
ي. فەلكەر مەن ر. كۋران 1,5 جىلعا باس بوستاندىعىن شەكتەۋ جازاسىنا تارتىلدى.
