Qaraǵandy oblysynda tártip saqshylary Tótenshe jaǵdai rejimin buzýdyń 400-den astam faktisin tirkedi. Politsiia qyzmetkerleri 31 adamdy qamaýǵa aldy, dep habarlaidy QazAqparat.
Qaraǵandy oblysynda quqyqtyq tártipti qamtamasyz etý úshin barlyq politsiia qyzmetkerleri, Ulttyq ulan men QR Qorǵanys ministrliginiń áskeri qyzmetshileri kúsheitilgen rejimde qyzmet atqarýǵa kóshirildi. Óńirdiń eldi mekenderinde shyǵý jáne kirý joldarynda blok-beketter uiymdastyrylǵan.
TJ rejimin jariialaý kezeńinde politsiia qyzmetkerleri 447 tártip buzýshylyqty anyqtady. Ákimshilik qamaýǵa 31 buzýshy tartyldy. Tyiym salynǵan 17 zat, onyń ishinde 9 tegis uńǵyly myltyq tárkilenip, esirtki zattaryn saqtaýdyń 6 faktisi anyqtaldy.
Qaraǵandy oblysynyń politsiia departamenti turǵyndarǵa tótenshe jaǵdai rejimin túsingeni úshin alǵys aityp, barlyq talaptardy saqtaýdy suraidy.
