Foto: Qaraǵandy oblysy TJD baspasóz qyzmeti
Qaraǵandy oblysynda súńgýirler Nura ózeninen 15 jastaǵy oqýshy qyzdyń denesin tapty. Ony izdeý úsh kúnge sozylǵan, - dep habarlaidy "Ult aqparat" oblystyq TJD baspasóz qyzmetine silteme jasap.
29 maýsymda Buqar jyraý aýdanynda eki qyzdyń sýǵa batyp ketkeni belgili boldy. Olar 13 jáne 15 jasta bolǵan.
Qyzyljar aýylynyń mańynda oqýshy qyzdar sýǵa batyp ketken. Olardyń biri birden tabyldy, ekinshisin izdeý úsh kúnge sozylǵan. Oǵan Tótenshe jaǵdailar departamentiniń, politsiianyń jáne Temirtaý ańshylar men balyqshylar qoǵamynyń 40 qyzmetkeri, týystary men jergilikti turǵyndar jumyldyrylǵany aityldy. Qutqarýshylar Nura ózeniniń túbin, arnasyn jáne jaǵalaý aimaǵyn teksergen.
"Búgin tańǵy saǵat 08:50-de súńgýirler 15 jastaǵy qyzdyń denesin tapty. Ol ózennen shomylý ornynan shamamen 1300 metr qashyqtyqta tabyldy. Izdestirýge 40 adam, 9 tehnika jáne 7 júzý quraldary jumyldyryldy. Izdeý jumystaryn júrgizý nashar kóriný men aǵynǵa bailanysty qiyndady. Bul oqiǵa sýdaǵy qaýipsizdik erejelerin saqtaýdyń mańyzdylyǵyn kórsetedi", - dep habarlady Qaraǵandy oblysy TJD baspasóz qyzmeti.
