Qaraǵandy oblysy TJD bastyǵynyń orynbasary Aqylbek Ahmetjanov pen Buqar jyraý aýdany ákiminiń orynbasary Sapar Sataev 8 sáýirde Buqar jyraý aýdanynyń sý tasqyny qaýpi bar ýchaskelerdi aralady, dep habarlaidy "Ult aqparat".
Ushý barysynda «Minkovskaia», «Baiqadam», «Kókpekti», «Baimyrza» bógetterin, Shoqai, Saran, Chkalov sý qoimalaryn aerovizýaldyq tekserý júrgizildi. Sonymen qatar Nura, Shoqai, Oshaǵandy, Soqyr, Baimyrza, Solonka ózenderi arnalarynyń jaǵdaiy zertteldi.
Kóptegen sý nysandarynda ishinara muz qatý, kei jerlerde muz júrý baiqalady.
Kosmomonitoring derekteri boiynsha Qaraǵandy oblysy aýmaǵynyń 30%-ynda qar bar.
Iri sý qoimalarynan tógindiler jalǵasýda: Samarqand sý qoimasynan - 55 tekshe m/s aǵyny kezinde 20 tekshe m/s kóleminde; Yntymaq sý qoimasynan aǵyzý 74 tekshe m/s aǵyny kezinde 8 tekshe m/s quraidy. Sherýbai-Nura sý qoimasynan aǵyzýlar júrgizilmeidi, aǵyn 7 tekshe m/s quraidy.
«9 sáýir kúni tańerteń Nura aýdanynda Qon jáne Jamanqon ózenderiniń arnalary boiynsha erigen sýdyń qarqyndy túsýinen Teńiz kóline kireberistegi Qon jáne Nura ózenderiniń jaiylmalarynda ornalasqan Nyǵman eldi mekeniniń jyl saiynǵy oqshaýlanýy oryn aldy. Aqmola oblysynyń Qorǵaljyn aýylymen kólik qatynasy bar.
Sondai-aq, Aqtúbek jáne Qulanótpes eldi mekenderiniń arasyndaǵy kólik qatynasy úzildi. Degenmen eldi mekenderdi sý basý qaýpi joq.
Aýyldarda azyq-túlik pen dári-dármek jetkilikti. Jaǵdai oblystyq sý tasqynyna qarsy jedel shtabtyń baqylaýynda.
