قاراعاندى وبلىسى تجد باستىعىنىڭ ورىنباسارى اقىلبەك احمەتجانوۆ پەن بۇقار جىراۋ اۋدانى ەكٸمٸنٸڭ ورىنباسارى ساپار ساتاەۆ 8 سەۋٸردە بۇقار جىراۋ اۋدانىنىڭ سۋ تاسقىنى قاۋپٸ بار ۋچاسكەلەردٸ ارالادى, دەپ حابارلايدى "ۇلت اقپارات".
ۇشۋ بارىسىندا «مينكوۆسكايا», «بايقادام», «كٶكپەكتٸ», «بايمىرزا» بٶگەتتەرٸن, شوقاي, ساران, چكالوۆ سۋ قويمالارىن اەروۆيزۋالدىق تەكسەرۋ جٷرگٸزٸلدٸ. سونىمەن قاتار نۇرا, شوقاي, وشاعاندى, سوقىر, بايمىرزا, سولونكا ٶزەندەرٸ ارنالارىنىڭ جاعدايى زەرتتەلدٸ.
كٶپتەگەن سۋ نىساندارىندا ٸشٸنارا مۇز قاتۋ, كەي جەرلەردە مۇز جٷرۋ بايقالادى.
كوسمومونيتورينگ دەرەكتەرٸ بويىنشا قاراعاندى وبلىسى اۋماعىنىڭ 30%-ىندا قار بار.
ٸرٸ سۋ قويمالارىنان تٶگٸندٸلەر جالعاسۋدا: سامارقاند سۋ قويماسىنان - 55 تەكشە م/س اعىنى كەزٸندە 20 تەكشە م/س كٶلەمٸندە; ىنتىماق سۋ قويماسىنان اعىزۋ 74 تەكشە م/س اعىنى كەزٸندە 8 تەكشە م/س قۇرايدى. شەرۋباي-نۇرا سۋ قويماسىنان اعىزۋلار جٷرگٸزٸلمەيدٸ, اعىن 7 تەكشە م/س قۇرايدى.
«9 سەۋٸر كٷنٸ تاڭەرتەڭ نۇرا اۋدانىندا قون جەنە جامانقون ٶزەندەرٸنٸڭ ارنالارى بويىنشا ەرٸگەن سۋدىڭ قارقىندى تٷسۋٸنەن تەڭٸز كٶلٸنە كٸرەبەرٸستەگٸ قون جەنە نۇرا ٶزەندەرٸنٸڭ جايىلمالارىندا ورنالاسقان نىعمان ەلدٸ مەكەنٸنٸڭ جىل سايىنعى وقشاۋلانۋى ورىن الدى. اقمولا وبلىسىنىڭ قورعالجىن اۋىلىمەن كٶلٸك قاتىناسى بار.
سونداي-اق, اقتٷبەك جەنە قۇلانٶتپەس ەلدٸ مەكەندەرٸنٸڭ اراسىنداعى كٶلٸك قاتىناسى ٷزٸلدٸ. دەگەنمەن ەلدٸ مەكەندەردٸ سۋ باسۋ قاۋپٸ جوق.
اۋىلداردا ازىق-تٷلٸك پەن دەرٸ-دەرمەك جەتكٸلٸكتٸ. جاعداي وبلىستىق سۋ تاسقىنىنا قارسى جەدەل شتابتىڭ باقىلاۋىندا.
