Qaraǵandy oblysynda stýdentterdi vaktsina jáne belsendi immýndaý týraly habardar bolý deńgeiin arttyrýǵa baǵyttalǵan #MaxVax jastar aktsiiasy bastaldy, dep habarlaidy "Ult aqparat".
Is-shara aiasynda oblystyń joǵary oqý oryndarynda mobildi egý pýnktteri uiymdastyrylyp, baǵaly syilyqtar oinatylady.
«Men oblystyq klinikalyq aýrýhananyń qarqyndy terapiia jáne reanimatsiia bóliminde jumys isteimin. Kún saiyn jumysyma bailanysty koronavirýs infektsiianyń qanshalyqty tez taralatynyn jáne onyń saldary qanshalyqty aýyr ekeni bilemin. Ókinishke orai, biz jii qaiǵyly oqiǵalardy dii kóremiz. Bizdiń bólimshedegi barlyq patsientterdiń 99%-y – vaktsina almaǵan adamdar. Infektsiiamen kúresýdiń eń tiimdi sharasynyń biri – vaktsinatsiia. Barlyq jurtty ózimizdi jáne jaqyndarymyzdy qorǵaýǵa shaqyramyn», – deidi OKA infektsiialyq bólimshesiniń intern-dárigeri Daryn Ábiljanov.
Derekterine sáikes, Qaraǵandy oblysynda 4 myńǵa jýyq oqytýshy men qyzmetker, sondai-aq 12 myńnan astam stýdent pen magistrant ekpe aldy. #MaxVax aktsiiasy aiasynda uiymdastyrýshylar vaktsinatsiia sarapshylaryn shaqyra otyryp, áleýmettik jelide tikelei efirler ótkizýdi josparlap otyr.
«Jastar oflain oqytý rejimine kóshý týraly jańalyqty qýana qabyldady. Biraq dástúrli formattyń turaqtylyǵy karantin sharttaryn saqtaýǵa jáne árkimniń jeke jaýapkershiligine bailanysty bolmaq. Aditoriiada, jataqhanada jáne basqa da adam kóp jinalatyn oryndarda juqtyrý qaýpin barynsha azaitý úshin vaktsinatsiialanǵandardyń joǵary úlesin qamtamasyz etý qajet. Tamyz aiynyń sońynda qalaǵa basqa jaqtan keletin stýdentterdiń sany artady, sondyqtan biz oqý korpýstary men jataqhanalarda vaktsinatsiia mobildi brigadasynyń jumysyn uiymdastyrýymyz qajet. Sondai-aq, qyrkúiek aiynda vaktsinatsiialanǵan JOO stýdentteri arasynda MaxVaxBox utys oiynyn ótkizýdi josparlap otyrmyz», – dep atap ótti Qaraǵandy oblysynyń jastar saiasaty máseleleri basqarmasynyń basshysy Birjan Álimjanov.
Utys oiynyna qatysý úshin vaktsinanyń kem degende birinshi komponentin alyp, sodan keiin Telegram bot arqyly qatysýshy retinde tirkelý qajet (ár JOO bólek qurylady) jáne nátijesin kútý kerek. Jeńimpazdar random ádisimen anyqtalady.
Qundy syilyqtar 10 qorap oinalady, olardyń ishinde gadjetter ǵana emes, sonymen qatar jeke qorǵanys quraldary, keńse taýarlary da bar.
«Ázirge bizdiń oblysymyzda barlyq JOO arasynda vaktsinatsiia qarqyny boiynsha B.Beisenov atyndaǵy Qaraǵandy akademiiasy kósh bastap tur. Onda barlyq kýrsanttar men oqytýshy ekpe aldy. Múmkin, bul ishinara oqý ornynyń ereksheligine bailanysty bolar. Sondai-aq, úzdik úshtikte Qaraǵandy meditsina ýniversiteti, Jezqazǵan ýniversiteti jáne Akademik E.Bóketov atyndaǵy Qaraǵandy ýniversiteti bar. Jalpy 57% stýdentter vaktsinatsiialanǵan. Ókinishke orai, bul respýblika boiynsha eń jaqsy kórsetkish emes. Biz jastardy #MaxVax aktsiiasyn qoldaýǵa shaqyramyz», – dedi stýdentterge Birjan Álimjanov.
