Qaraǵandy oblysynda «Ashyq biýdjetterdiń interaktivti kartasy» jobasy iske asyrylyp jatyr. Aqparat naqty ýaqyt rejiminde kórsetiledi. Kartanyń kómegimen áleýmettik nysandarǵa - mektep, aýrýhana, balabaqshajáne t. b. qansha qarajat jumsalǵanyn bilýge bolady, dep habarlaidy "Ult aqparat".
Biryńǵai platformada biýdjet qarajatynyń jumsalýy týraly málimetter ornalastyrylady.
«Sybailas jemqorlyqqa qarsy «Adaldyq alańy« jobasynyń aiasynda «Ashyq biýdjetterdiń interaktivti kartasy« platformasy quryldy. QR Sybailas jemqorlyqqa qarsy is-qimyl agenttigi Qaraǵandy oblysynyń osy baǵyttaǵy jumysyn atap ótti. Onyń ishinde aqparattyq júiede uiymnyń paraqshasyna silteme jasai otyryp, QR kod ornalastyrylǵan ǵimarattardyń qasbetterinde taqtaishalardy ornatýǵa oń baǵa berildi», - dep habarlady «Saryarqa - adaldyq alańy» jobalyq keńsesiniń basshysy Málika Kúsenbaeva.
Qazirgi ýaqytta kartada Qaraǵandy oblysynyń jalpy somasy 898,3 mlrd teńge 1 331 uiymynyń biýdjeti ornalastyrylǵan. Munyń bári memlekettik organdar men biýdjettik mekemeler.
Qaraǵandy oblysynda memlekettik uiymdar ǵimarattarynyń qasbetterinde QR kody bar 500-den astam taqtaisha ornalastyrylǵan. Bul bastama alǵashqy bolyp Saran qalasyna engizildi. Sodan keiin ol basqa aimaqtarǵa taraldy.
Málika Kúsenbaeva onlain rejimindegi apparattyq keńeste jobalyq keńseniń qyzmeti jáne sybailas jemqorlyqqa qarsy monitoring týraly aityp berdi. «Saryarqa - adaldyq alańy» jobasy turmystyq sybailas jemqorlyqty joiýǵa jáne azamattar úshin qolaily jaǵdai jasaýǵa baǵyttalǵan.
Memlekettik organdar jumystyń servistik modeline kóshedi. Bul memlekettik qyzmetterdi alýdyń sapasy men jedeldigin arttyrýǵa múmkindik beredi.
Qaraǵandy oblysynyń qalalary men aýdandarynda qazirdiń ózinde «Oren ákimdik» 14 servistik ortalyǵy jumys isteidi. Aýyldyq okrýgterde 202 ózine-ózi qyzmet kórsetý buryshy qurylǵan. Osy aptada Saran qalasy men Aqtas kentinde servistik ortalyqtar ashý josparlanyp otyr. Jeltoqsan aiynyń sońyna deiin taǵy úsheýi ashylady: Balqash, Buqar jyraý jáne Qarqaraly aýdandarynda.
