Qaraǵandy oblysynda 7 sáýirde COVID-19 taǵy jeti adamnan anyqtaldy. Bul - osyǵan deiin infektsiia juqtyrǵan jáne aýrýhanaǵa jatqyzylǵandarmen jaqyn bailanysta bolǵan adamdar, dep habarlaidy "Ult aqparat" coronavirus2020.kz saityna silteme jasap.
Olardyń barlyǵy indetke qarsy qaýipsizdiktiń qajetti sharalaryn saqtai otyryp, infektsiialyq bokstarǵa oqshaýlanǵan jáne emdeý kýrsynan ótýde.
Qaraǵandy oblysynda koronavirýs infektsiiasynyń 55 jaǵdaiy zerthanalyq túrde rastaldy, onyń ishinde bir ólim oqiǵasy tirkelgen.
«Virýsty juqtyrýy yqtimal barlyq adamdardy anyqtaý úshin muqiiat epidemiologiialyq tekserý júrgiziledi. Juqtyrǵandarmen bailanysta bolǵandar oqshaýlanady.
Qaraǵandy oblysynda úi karantininde 1 440 adam otyr. Táýlik boiy baqylaýda - 908 patsient, onyń ishinde 54-i juqpaly bokste. Bul - 1A jáne 1B sanatyndaǵy elderden (Italiia, Frantsiia, Ispaniia, Iran, Germaniia, Úndistan, Tailand, Malaiziia, BAÁ, Shri-Lanka, Mysyr) oralǵan nemese juqtyrǵan adamdarmen shartty túrde bailanysta bolǵan azamattar.
Jumysqa barlyǵy 690 meditsina qyzmetkeri jumyldyryldy. Statsionarlar barynsha tolǵan jaǵdaida qosymsha taǵy 1 125 maman, sondai-aq áskeri lazaretterden 6 dáriger men 12 birlik orta meditsinalyq qyzmetker, balalar sanatoriileriniń jumysyn ýaqytsha toqtatý esebinen 40 maman jumyldyrylatyn bolady», - delingen aqparatta.
Pnevmoniia men JRVI kúdigi bar naýqastardy emdeý úshin pýlmonologiialyq gospitaldar ashyldy. Virýstyq infektsiiamen aýyratyn naýqastarǵa mamandandyrylǵan jedel járdem brigadalary qyzmet kórsetedi. JRVI-nyń alǵashqy belgileri paida bolǵan kezde birden telefon arqyly ýchaskelik dárigermen (emhanaǵa kelýdiń qajeti joq) nemese jedel járdemge qońyraý shalý qajet.
