Qaraǵandy oblysynda koronavirýs juqtyrǵan 42 adam tirkeldi, ósim (9,8%), - dep habarlaidy QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiia.
22 mamyrdaǵy málimetke sáikes PTR diagnostikalyq zertteý nátijesi boiynsha 42 adamda COVID-19 virýsy anyqtaldy.
Tirkelgen adamdardyń 12-si skrining barysynda jáne 30-y virýsty juqtyrǵan adammen jaqyn bailanysta bolǵandardy tekserý nátijesinde anyqtaldy.
Barlyǵy juqpaly aýrýlar statsionarlaryna jatqyzyldy. Qazirgi ýaqytta naýqastardyń jaǵdaiy qanaǵattanarlyq, bekitilgen hattamaǵa sáikes em alyp jatyr.
Oshaqtarda dezinfektsiialaý sharalary júrgizilip jatyr.
22 mamyrdaǵy ahýal boiynsha Qaraǵandy oblysynda virýsty juqtyrǵan 472 adam anyqtaldy, onyń ishinde 3 adam qaitys bolǵan jáne 180 naýqas jazylyp shyqty.
