Qaraǵandy, Temirtaý, Shahtinsk, Saran jáne Abai qalalaryndaǵy kenshiler men metallýrgterge arnalǵan jańa ipotekalyq baǵdarlamaǵa oblystyq biýdjetten milliard teńge bólindi, dep habarlaidy QazAqparat.
Jeńildetilgen ipoteka bes jyl boiy júzege asyrylady. Jyl saiyn oblystyq biýdjetten milliard teńgeden bólinbek.
Esterińizge sala keteiik, bastamany oblys ákimdigi «Otbasy bankimen» birlesip usynǵan bolatyn. Nesie boiynsha mólsherleme 5% quraidy. Qaryz bastapqy jarnasyz 19 jylǵa deiingi merzimge beriledi. Ipotekalyq baǵdarlamamen neǵurlym kóbirek úmitkerlerdi qamtý úshin páter quny 15 mln teńgeden aspaýy tiis.
Ipoteka qatysýshylary bastapqy nemese qaitalama naryqta turǵyn úidi ózderi tańdaýǵa májbúr bolady. Eger páterdiń quny nesieden kóp bolsa, onda satyp alýshy jetispeitin somany óz qarajatynan nemese BZT-nen tóleidi.
Ipotekaǵa qatysý úshin qajetti qujattardy bolat jáne kómir departamentteriniń kásipodaqtary qabyldaidy. Barlyq suraqtar boiynsha kásiporyndardyń kásipodaq komitetterine júginý qajet. Ipotekaǵa qatysýshylardy iriktegennen keiin qujattar bankke jiberiledi.
