Qaraǵandy oblysy koronavirýstyń taralýy boiynsha jasyl aimaqta ornalasqan. Osyǵan bailanysty oblystyń bas memlekettik sanitarlyq dárigeri jańa qaýlyǵa qol qoidy, dep habarlaidy "Ult aqparat".
Jańa qaýlyǵa sáikes, saýda nysandarynda balalar oiyn alańdary men attraktsiondarǵa áli de tyiym salynǵan.
Saýda nysandarynda (saýda-oiyn-saýyq ortalyqtary, jabyq azyq-túlik jáne azyq-túlik emes bazarlar, saýda úileri) áleýmettik qashyqtyqty, maska jáne kúsheitilgen sanitariialyq-dezinfektsiialyq rejimdi saqtaý mindetti. Kireberiste ár kelýshige termometriia júrgizilýi kerek.
Fýd-korttar tek tamaqty ózimen birge alyp ketý jáne jetkizý boiynsha ǵana jumys istei alady. Bul nysandardyń qyzmeti jumys jáne demalys kúnderi - 24.00-ge deiin, mereke kúnderi-17.00-ge deiin jalǵasady.
12 jeltoqsan saǵat 00:00-den bastap demalys jáne mereke kúnderi saýda nysandarynyń (saýda-oiyn-saýyq ortalyqtary, jabyq azyq-túlik jáne azyq-túlik emes bazarlar, saýda úileri) 17.00-ge deiin jumys isteýine ruqsat etiledi. Bul ýaqyt shekteýleri azyq-túlik sýpermarketteri men olardaǵy dárihanalarǵa qatysty emes.
