Qaraǵandy oblysynda COVID-19 aýyrgandar emdelgen gospitalderdiń kópshiligi jumysyn toqtatty, dep habarlaidy "Ult aqparat".
Qaraǵandy oblysynda epidemiologiialyq jaǵdai turaqtandyryldy. COVID-19 aýyrǵandarǵa arnalǵan emdeý mekemelerindegi tósek-oryndardyń tolymdylyǵy 16%-ǵa deiin azaidy. Endi barlyq kúshter kúzde kútiletin yqtimal ekinshi tolqynǵa daiyndyqqa baǵyttalady.
Zoom platformasynda onlain ótken kezekten tys XLI-sessiiada oblystyq máslihat depýtattary biýdjettegi ózgeristerdi bekitti. Negizgi shyǵyndar densaýlyq salasyn nyǵaitýǵa baǵyttaldy. Aýrýhanalar men emhanalar úshin jańa meditsinalyq jabdyqtar satyp alýǵa qarajattar bólindi.
Oblys ákimi Jeńis Qasymbek epidemiologiialyq jaǵdai týraly baiandady.
«Búginde tósek - oryndardyń tolymdylyǵy 16%-ǵa deiin azaidy – bul jalpy respýblika boiynsha qaraǵanda 10%-ǵa az. Jan saqtaý tósek-oryndary 14,7%-ǵa toldy. Koronavirýspen aýyrǵandar emdelgen meditsina mekemeleriniń kópshiligi jumysyn toqtatty. Ázirge jeteýi jumys isteýin jalǵastyrýda. Osylardyń esebinen biz dárigerlerdiń kóp bóligin bosattyq, olar barlyq aýrý túrleri boiynsha josparly gospitalizatsiialaýǵa oraldy», - dep málimdedi óńir basshysy.
Jeńis Qasymbek iri kompaniialar men kásiporyndarǵa densaýlyq salasyna kómekteskeni úshin alǵysyn bildirdi. Ókimet pen metsenattar aýrýhanalardy jerlesterimizdiń ómirin saqtaý úshin barlyq qajettilermen qamtamasyz etýge qoldarynan kelgenin birlesip jasady, dep atap ótti.
Oblysta búginde 192 ÓJJ-apparaty, 1 500 ottegi kontsentrattary, 17 kompiýterlik tomografiia kabinetteri bar. Qazan sońyna deiin taǵy 500 ottegi kontsentratorlary, 1 500 pýlsoksimetr jetkiziledi, respýblikalyq biýdjet esebinen 151 ÓJJ-apparaty satyp alynady. Oblys qalalarynda bes KT kabinetterin qosymsha jabdyqtaý josparlanýda. Sonymen birge 40 tsifrlyq rentgen-apparattary satyp alynady.
Óńirde qajetti emdik dárilerdiń bir jarym ailyq qory bar, dep tolyqtyrdy, oblys ákimi. «Saryarqa» ÁKK bazasynda dárilerdiń turaqtandyrýshylyq qory quryldy.
- PTR-zerthanalarynyń jelisin ulǵaitamyz. Búginde oblys halqynyń shamamen 14%-y testten ótken. Qoldaǵy qýattar táýligine 4 500 testke deiin jasaýǵa múmkindik beredi. Jalpy epidemiologiialyq jaǵdai turaqtandyryldy. Biz yqtimal ekinshi tolqynǵa belsenli daiyndalýdamyz», - dep atap ótti, Jeńis Qasymbek.
