Qaraǵandy oblysy Saran qalasynyń mańynda jolaýshylar avtobýsy apatqa ushyrady. Qaraǵandy-Shahan baǵytyndaǵy qalaaralyq avtobýs traktormen soqtyǵysyp, joldan shyǵyp ketti, dep habarlaidy QazAqparat.
Jol apaty 29 qyrkúiek saǵat 19:30 shamasynda boldy. №127 marshrýttyq avtobýs Saran mańyndaǵy tasjolda traktormen soqtyǵysqan.
«Jol-kólik oqiǵasy saldarynan zardap shekken tórt adam meditsinalyq mekemege jetkizildi. Atalmysh derek politsiiada tirkelgen. Qazirgi ýaqytta oqiǵanyń mán-jaiyn anyqtaý boiynsha alǵashqy tergeý sharalary júrgizilýde», - dep habarlady Qaraǵandy oblysy PD baspasóz qyzmeti.
Densaýlyq saqtaý basqarmasy zardap shekkenderdiń jaǵdaiy týraly kelesidei málimet berdi:
«Barlyǵy 21 adam zardap shekti. Onyń beseýi Maqajanov klinikasyna jatqyzyldy. Naýqastardyń jaǵdaiy ortasha aýyr. Qalǵany ambýlatorlyq emdelýge jiberildi», - dep habarlady vedomstvoda.
