54 jastaǵy áiel ózine Osakarov aýdany Pioner selolyq okrýginiń ákimi dene jaraqatyn saldy dep shaǵym túsirdi, dep habarlaidy "Ult aqparat".
54 jastaǵy áiel Qaraǵandy qalasy Ońtústik-Shyǵys bólimine kelip aryz jazǵan. Shaǵymynda ol sheneýnikpen janjal paida bolǵanyn, nátijesinde sońǵysy oǵan dene jaraqatyn keltirgenin málim etken.
«Atalǵan fakti boiynsha politsiia qyzmetkerleri Osakarov aýdanynyń 49 jastaǵy turǵynyn anyqtady. Er adamǵa qatysty QR ÁQBK - niń 73-1-baby «Densaýlyqqa qasaqana jeńil ziian keltirý» boiynsha ákimshilik hattama toltyryldy», - dep túsindirdi Qaraǵandy oblysy PD baspasóz qyzmeti.
Sondai-aq, áiel sot-meditsinalyq saraptamadan ótken. Mamandar jábirlenýshiniń densaýlyǵyna jeńil ziian keltirgeni týraly qorytyndy jasady.
Sondai-aq, atalmysh jaǵdaiǵa qatysty memlekettik qyzmetshiniń ádep jónindegi ýákili, Osakarov aýdany ákiminiń orynbasary Nurlan Lambekov túsinikteme berdi. Ol qazirgi ýaqytta Pioner aýyldyq okrýginiń ákimi demalysta ekenin atap ótti.
«Ol 1 qyrkúiekke deiin demalysta. Bul oqiǵanyń mán-jaiyn biz bilmeimiz. Ol jumysqa shyqqan boida biz arnaiy tekserý júrgizemiz», - dedi Nurlan Lambekov.
