54 جاستاعى ەيەل ٶزٸنە وساكاروۆ اۋدانى پيونەر سەلولىق وكرۋگٸنٸڭ ەكٸمٸ دەنە جاراقاتىن سالدى دەپ شاعىم تٷسٸردٸ, دەپ حابارلايدى "ۇلت اقپارات".
54 جاستاعى ەيەل قاراعاندى قالاسى وڭتٷستٸك-شىعىس بٶلٸمٸنە كەلٸپ ارىز جازعان. شاعىمىندا ول شەنەۋنٸكپەن جانجال پايدا بولعانىن, نەتيجەسٸندە سوڭعىسى وعان دەنە جاراقاتىن كەلتٸرگەنٸن مەلٸم ەتكەن.
«اتالعان فاكتٸ بويىنشا پوليتسييا قىزمەتكەرلەرٸ وساكاروۆ اۋدانىنىڭ 49 جاستاعى تۇرعىنىن انىقتادى. ەر ادامعا قاتىستى قر ەقبك - نٸڭ 73-1-بابى «دەنساۋلىققا قاساقانا جەڭٸل زييان كەلتٸرۋ» بويىنشا ەكٸمشٸلٸك حاتتاما تولتىرىلدى», - دەپ تٷسٸندٸردٸ قاراعاندى وبلىسى پد باسپاسٶز قىزمەتٸ.
سونداي-اق, ەيەل سوت-مەديتسينالىق ساراپتامادان ٶتكەن. ماماندار جەبٸرلەنۋشٸنٸڭ دەنساۋلىعىنا جەڭٸل زييان كەلتٸرگەنٸ تۋرالى قورىتىندى جاسادى.
سونداي-اق, اتالمىش جاعدايعا قاتىستى مەملەكەتتٸك قىزمەتشٸنٸڭ ەدەپ جٶنٸندەگٸ ۋەكٸلٸ, وساكاروۆ اۋدانى ەكٸمٸنٸڭ ورىنباسارى نۇرلان لامبەكوۆ تٷسٸنٸكتەمە بەردٸ. ول قازٸرگٸ ۋاقىتتا پيونەر اۋىلدىق وكرۋگٸنٸڭ ەكٸمٸ دەمالىستا ەكەنٸن اتاپ ٶتتٸ.
«ول 1 قىركٷيەككە دەيٸن دەمالىستا. بۇل وقيعانىڭ مەن-جايىن بٸز بٸلمەيمٸز. ول جۇمىسقا شىققان بويدا بٸز ارنايى تەكسەرۋ جٷرگٸزەمٸز», - دەدٸ نۇرلان لامبەكوۆ.
