Qaraǵandy oblysynyń Aqtoǵai aýylyndaǵy ortalyq meshitte úsh birdei azamat iis tiip, qaitys boldy.
Marqumdardyń jasy 20-dan endi ǵana asqan. Biri - sonda ot jaǵýshy bolyp jumys isteitin Jasqairat Amangeldin, al qalǵan ekeýi aýyl turǵyny Erbolat Ábdikárim men Qaiyrjan Isa. Jigitter 28 qańtar kúni tús aýa Alla úiine kelgen. Boran saldarynan jaryq sónip qalyp, jylytý peshin dizeldi generator arqyly iske qosqan. Artynsha olardyń sulyq jatqan denelerin meshit jamaǵatynyń biri kórip, habarlaǵan. Aýrýhanaǵa jetkizilgenimen, jigitter esin jimady, dep habarlaidy "Habar 24".
"Meshitte sulyq jatqan úsheýin óz kóligimen aýrýhanaǵa jetkizgen jergilikti azamattyń aitýynsha, jigitter ýlanyp qalǵan. Aýrýhanaǵa ákelgende olardan biologiialyq ólim belgileri baiqalǵan. Sondyqtan eshqandai meditsinalyq kómek kórsetilmedi", - dedi ahýaldyq ortalyq meńgerýshisi Erik Shonbaev.
Turǵyndardyń óliminiń naqty sebebin sot-meditsinalyq saraptama nátijesi anyqtaidy.
