Qaraǵandy oblysyna qytailyq Vero Cell eki komponentti vaktsinasynyń 40 myń dozasy kelip tústi. Bul 20 myń turǵyndy immýndaý úshin jetkilikti. Vaktsina oblystyń barlyq aýdanyna taratylady, dep habarlaidy "Ult aqparat".
Sinopharm kompaniiasynyń Vero Cell vaktsinasy inaktivti. Ony óndirý úshin vaktsinalardy jasaýdyń standartty tehnologiiasy qoldanylady, onda aýrýdy týdyrýy múmkin virýstyń patogendik bóligi jansyzdandyrylady, biraq sonymen birge onyń denede qorǵanys antideneleriniń paida bolýyn týdyratyn qabileti saqtalady. Ol anaǵurlym jeńilirek seziledi. Bul vaktsinamen eń aldymen qaýip tobyndaǵy adamdardy immýndaý usynylady. Vaktsina 18 jastan asqan adamdarǵa arnalǵan.
«Vero Cell preparatynyń bir dozasy – 0,5 millilitr. Vaktsinanyń eki dozasyn (árqaisysy 0,5 millilitr) 3–4 apta aralyǵymen (21–28 kún) engizý usynylady. Aralyq nátijeler COVID-19-ǵa qarsy 79,3% tiimdilikti jáne ortasha jáne aýyr jaǵdailardyń aldyn-alýda 100% tiimdilikti kórsetedi», – dep atap ótti Qaraǵandy oblysy Densaýlyq saqtaý basqarmasynyń baspasóz qyzmeti.
Aita ketý kerek, Vero Cell DDU-men maquldanǵan.
