Qaraǵandy oblysynda 10-sáýirde koronavirýs infektsiiasynan halyqty immýndaýdyń keń aýqymdy naýqany bastalady. 18 jastan asqan barlyq adamdar ekpe ala alady, dep habarlaidy "Ult aqparat".
Qaraǵandy oblysynyń Qoǵamdyq densaýlyq saqtaý qyzmetiniń basshysy Bibigúl Tólegenovanyń aitýynsha, aimaqqa 23 740 doza vaktsina kelip túsken.
«Aldaǵy úsh kúnde taǵy 55 myń doza túsedi. Buryn 30 egý kabineti bar 13 vaktsinatsiia ortalyǵy jumys isteitin. Qazir biz vaktsinany birtindep ortalyq aýdandyq aýrýhanalarǵa, aýdandarǵa jáne basqa qalalarǵa taratamyz. Barlyq qaraǵandylyqtar turǵylyqty jeri boiynsha ekpe ala alady», - dep túsindirdi Bibigúl Tólegenova.
Turǵyndarǵa Qaraǵandy farmatsevtikalyq kesheni óndirgen «Spýtnik-V» vaktsinasy salynady. Bir flakon 5 adamǵa shaqtalǵan, sondyqtan aldyn-ala jazylý qajet.
Vaktsinatsiiaǵa ótinimdi tirkelgen jeri boiynsha emhanada telefon arqyly, sondai-aq eGov mobile mobildik qosymshasy arqyly (vaktsinatsiialaýǵa jazba) berýge bolady.
Vaktsinatsiia ortalyqtarynyń telefondary men ornalasqan jerleri kórsetilgen tizim Qaraǵandy oblysynyń Densaýlyq saqtaý basqarmasynyń saitynda ornalastyrylǵan.
