قاراعاندى وبلىسىندا 10-سەۋٸردە كوروناۆيرۋس ينفەكتسيياسىنان حالىقتى يممۋنداۋدىڭ كەڭ اۋقىمدى ناۋقانى باستالادى. 18 جاستان اسقان بارلىق ادامدار ەكپە الا الادى, دەپ حابارلايدى "ۇلت اقپارات".
قاراعاندى وبلىسىنىڭ قوعامدىق دەنساۋلىق ساقتاۋ قىزمەتٸنٸڭ باسشىسى بيبٸگٷل تٶلەگەنوۆانىڭ ايتۋىنشا, ايماققا 23 740 دوزا ۆاكتسينا كەلٸپ تٷسكەن.
«الداعى ٷش كٷندە تاعى 55 مىڭ دوزا تٷسەدٸ. بۇرىن 30 ەگۋ كابينەتٸ بار 13 ۆاكتسيناتسييا ورتالىعى جۇمىس ٸستەيتٸن. قازٸر بٸز ۆاكتسينانى بٸرتٸندەپ ورتالىق اۋداندىق اۋرۋحانالارعا, اۋداندارعا جەنە باسقا قالالارعا تاراتامىز. بارلىق قاراعاندىلىقتار تۇرعىلىقتى جەرٸ بويىنشا ەكپە الا الادى», - دەپ تٷسٸندٸردٸ بيبٸگٷل تٶلەگەنوۆا.
تۇرعىندارعا قاراعاندى فارماتسەۆتيكالىق كەشەنٸ ٶندٸرگەن «سپۋتنيك-V» ۆاكتسيناسى سالىنادى. بٸر فلاكون 5 ادامعا شاقتالعان, سوندىقتان الدىن-الا جازىلۋ قاجەت.
ۆاكتسيناتسيياعا ٶتٸنٸمدٸ تٸركەلگەن جەرٸ بويىنشا ەمحانادا تەلەفون ارقىلى, سونداي-اق eGov mobile موبيلدٸك قوسىمشاسى ارقىلى (ۆاكتسيناتسييالاۋعا جازبا) بەرۋگە بولادى.
ۆاكتسيناتسييا ورتالىقتارىنىڭ تەلەفوندارى مەن ورنالاسقان جەرلەرٸ كٶرسەتٸلگەن تٸزٸم قاراعاندى وبلىسىنىڭ دەنساۋلىق ساقتاۋ باسقارماسىنىڭ سايتىندا ورنالاستىرىلعان.
