Qarjylyq monitoring agenttiginiń Qaraǵandy oblysy boiynsha aýmaqtyq departamenti Qaraǵandy men Temirtaý aýmaǵyndaǵy qarjy piramidasynyń jolyn kesti, - dep habarlaidy Sputnik Qazaqstan.
"Olar azamattarǵa salym somasynyń 10%-i mólsherindegi tólemdi qaitaryp otyrýǵa ýáde etken. Piramida uiymdastyrýshylary 200 000 teńgeden 25 000 000 teńgege deiingi somada investitsiia tartýdy "josparlaǵan". Merzim - bir aidan bir jylǵa deiin", - delingen agenttiktiń habarlamasynda.
Olar Instagram áleýmettik jelisinde jarnama jasap, kóptegen adam investitsiia salý arqyly paidaǵa kenelip jatqandai etip kórsetken. Buǵan sengen turǵyndar piramidaǵa 70 million teńge salǵan.
Qarjy piramidasyn uiymdastyrýshyǵa qatysty 2 aiǵa deiingi merzimge "kúzetpen ustaý" bultartpaý sharasy sanktsiialandy.
Jedel-tergeý sharalary júrgizilip jatqany habarlandy.
