Belgisiz er adam Qaraǵandydaǵy mektep-internatqa kirip, sabaq ústinde balalardyń kózinshe muǵalimdi uryp-soqqan. Bul oqiǵaǵa Qaraǵandy oblysynyń PD túsinik berdi, dep habarlaidy QazAqparat.
Instagram-daǵy tanymal paraqshalardyń birinde anonimdi habarlama jariialandy. Jazbada qulaǵy nashar estitin balalarǵa arnalǵan mektep-internatta oqityn bir oqýshynyń ata-anasy oqý ordasyna belgisiz bir er adam kirip, balalardyń kózinshe muǵalimdi uryp-soqǵany týraly jazylǵan.
Bul jaitqa politsiia túsinik berdi
«Politsiia 14 qazanda №3 mektep-internatta osyǵan uqsas oqiǵa bolǵanyn anyqtady. 25 jastaǵy er adam osy oqý ornynda muǵalim bolyp jumys isteitin áielimen janjaldasqany belgili boldy. Erli-zaiyptylar arasyndaǵy áńgime balalar bolmaǵan kezde boldy. Sondai-aq, janjal shyǵarǵan er adamnyń radikaldy dini uiymǵa qatysy joq ekeni anyqtaldy», - dep habarlady Qaraǵandy oblysy PD baspasóz qyzmeti.
Atalǵan fakti Qaraǵandy qalasynyń PB Kirov politsiia bóliminde tirkelgen. Sondai-aq atalmysh jaitty Qaraǵandy oblysynyń bilim basqarmasy da tekserip jatyr. Mán-jaidy anyqtaǵan soń, sheshim qabyldanady», - delingen habarlamada.
