بەلگٸسٸز ەر ادام قاراعاندىداعى مەكتەپ-ينتەرناتقا كٸرٸپ, ساباق ٷستٸندە بالالاردىڭ كٶزٸنشە مۇعالٸمدٸ ۇرىپ-سوققان. بۇل وقيعاعا قاراعاندى وبلىسىنىڭ پد تٷسٸنٸك بەردٸ, دەپ حابارلايدى قازاقپارات.
Instagram-داعى تانىمال پاراقشالاردىڭ بٸرٸندە انونيمدٸ حابارلاما جارييالاندى. جازبادا قۇلاعى ناشار ەستيتٸن بالالارعا ارنالعان مەكتەپ-ينتەرناتتا وقيتىن بٸر وقۋشىنىڭ اتا-اناسى وقۋ ورداسىنا بەلگٸسٸز بٸر ەر ادام كٸرٸپ, بالالاردىڭ كٶزٸنشە مۇعالٸمدٸ ۇرىپ-سوقعانى تۋرالى جازىلعان.
بۇل جايتقا پوليتسييا تٷسٸنٸك بەردٸ
«پوليتسييا 14 قازاندا №3 مەكتەپ-ينتەرناتتا وسىعان ۇقساس وقيعا بولعانىن انىقتادى. 25 جاستاعى ەر ادام وسى وقۋ ورنىندا مۇعالٸم بولىپ جۇمىس ٸستەيتٸن ەيەلٸمەن جانجالداسقانى بەلگٸلٸ بولدى. ەرلٸ-زايىپتىلار اراسىنداعى ەڭگٸمە بالالار بولماعان كەزدە بولدى. سونداي-اق, جانجال شىعارعان ەر ادامنىڭ راديكالدى دٸني ۇيىمعا قاتىسى جوق ەكەنٸ انىقتالدى», - دەپ حابارلادى قاراعاندى وبلىسى پد باسپاسٶز قىزمەتٸ.
اتالعان فاكتٸ قاراعاندى قالاسىنىڭ پب كيروۆ پوليتسييا بٶلٸمٸندە تٸركەلگەن. سونداي-اق اتالمىش جايتتى قاراعاندى وبلىسىنىڭ بٸلٸم باسقارماسى دا تەكسەرٸپ جاتىر. مەن-جايدى انىقتاعان سوڭ, شەشٸم قابىلدانادى», - دەلٸنگەن حابارلامادا.
