Qaraǵandy qalasy ákiminiń orynbasary Jaqsylyq Shalabekov 2 aiǵa qamaýǵa alyndy. Laýazymdy tulǵa memleketke 107 mln teńge kóleminde shyǵyn keltirgen dep aiyptalyp otyr, dep habarlaidy "Ult aqparat".
12 qyrkúiekte Qaraǵandy oblysy prokýratýrasynyń Arnaiy prokýrorlar basqarmasynyń qyzmetkerleri Qazaqstan Respýblikasy Qylmystyq kodeksiniń 128-babynyń tártibinde Qaraǵandy qalasy ákiminiń orynbasary – Jaqsylyq Shalabekovti ustady.
«Atalǵan tulǵa Qazaqstan Respýblikasy Qylmystyq kodeksiniń 189-babynyń 4-bóliginde qarastyrylǵan qylmys jasaýda, atap aitqanda 2018 jyly Qaraǵandy qalasynda «Nurly Jer» baǵdarlamasy boiynsha iri paneldi turǵyn úiler salýǵa bólingen biýdjet qarajatyn aldyn ala sóz bailasý jolymen top adammen birlesip urlaýda jáne talan-tarajǵa salýda kúdikti bolyp tabylady», - dep málimdedi Qaraǵandy oblystyq prokýratýranyń baspasóz qyzmeti.
Qylmystyq árekettermen Jaqsylyq Shalabekov memleketke 107 mln teńge shyǵyn keltirgen. Qazirgi ýaqytta ol sottyń sanktsiiasymen 2 aiǵa qamaýǵa alyndy.
Tergeý júrgizilýde jáne onyń barysy oblys prokýratýrasy basshylyǵynyń erekshe baqylaýynda.
Basqa aqparat Qazaqstan Respýblikasy Qylmystyq-protsestik kodeksiniń 201-babyna sáikes tergeý qupiiasy bolyp tabylady jáne jariialanýǵa jatpaidy.
