Qaraǵandy attraktsionynda áieldiń qaza bolýyna bailanysty oqiǵada jańa mán-jailardyń anyqtalýyna orai qylmystyq is baby qaita aýystyryldy, dep habarlaidy QazAqparat.
Jeksenbi kúni «Sozvezdie» qonaqúiiniń aýmaǵynda jazataiym oqiǵa oryn alǵan bolatyn. 9 qabatty qonaqúidiń shatyryna ornatylǵan attraktsionnan, iaǵni 25 metr biiktikten sekirgen áiel jerdegi betondy qurylysqa qulady. Ol aýrýhanaǵa óte aýyr jaǵdaida jetkizildi. Meditsinalyq kómekke qaramastan, áiel qaitys boldy.
Buǵan deiin politsiia qyzmetkerleri 32 jastaǵy áieldiń ólimine bailanysty QR QK-niń 306-baby 1-bóligi «qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetterdi kórsetý» boiynsha qylmystyq is qozǵaǵan bolatyn.
Alaida, jańadan ashylǵan mán-jailarǵa bailanysty qylmystyq is QR QK 306-babynyń 1-bóliginen QR QK 306-babynyń 3-bóligine qaita aýystyryldy. Atalmysh baptyń úshinshi bóligine sai «Osy baptyń birinshi nemese ekinshi bólikterinde kózdelgen, abaisyzda adam ólimine ákep soqqan áreketter» boiynsha aiyp taǵylady. Aiyptalýshyǵa tórt jyldan segiz jylǵa deiingi merzimge bas bostandyǵynan aiyrý túrindegi jaza kózdelgen.
«Tergeý júrgizilýde. Osy qylmystyq is aiasynda politseiler attraktsiondy uiymdastyrýshynyń osy qyzmet túrine litsenziiasy bar-joǵyn, qaýipsizdik erejeleri saqtalǵanyn anyqtaidy», - dedi Qaraǵandy oblysy PD baspasóz qyzmetinen.
