قاراعاندى اتتراكتسيونىندا ەيەلدٸڭ قازا بولۋىنا بايلانىستى وقيعادا جاڭا مەن-جايلاردىڭ انىقتالۋىنا وراي قىلمىستىق ٸس بابى قايتا اۋىستىرىلدى, دەپ حابارلايدى قازاقپارات.
جەكسەنبٸ كٷنٸ «سوزۆەزديە» قوناقٷيٸنٸڭ اۋماعىندا جازاتايىم وقيعا ورىن العان بولاتىن. 9 قاباتتى قوناقٷيدٸڭ شاتىرىنا ورناتىلعان اتتراكتسيوننان, ياعني 25 مەتر بيٸكتٸكتەن سەكٸرگەن ەيەل جەردەگٸ بەتوندى قۇرىلىسقا قۇلادى. ول اۋرۋحاناعا ٶتە اۋىر جاعدايدا جەتكٸزٸلدٸ. مەديتسينالىق كٶمەككە قاراماستان, ەيەل قايتىس بولدى.
بۇعان دەيٸن پوليتسييا قىزمەتكەرلەرٸ 32 جاستاعى ەيەلدٸڭ ٶلٸمٸنە بايلانىستى قر قك-نٸڭ 306-بابى 1-بٶلٸگٸ «قاۋٸپسٸزدٸك تالاپتارىنا ساي كەلمەيتٸن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەردٸ كٶرسەتۋ» بويىنشا قىلمىستىق ٸس قوزعاعان بولاتىن.
الايدا, جاڭادان اشىلعان مەن-جايلارعا بايلانىستى قىلمىستىق ٸس قر قك 306-بابىنىڭ 1-بٶلٸگٸنەن قر قك 306-بابىنىڭ 3-بٶلٸگٸنە قايتا اۋىستىرىلدى. اتالمىش باپتىڭ ٷشٸنشٸ بٶلٸگٸنە ساي «وسى باپتىڭ بٸرٸنشٸ نەمەسە ەكٸنشٸ بٶلٸكتەرٸندە كٶزدەلگەن, ابايسىزدا ادام ٶلٸمٸنە ەكەپ سوققان ەرەكەتتەر» بويىنشا ايىپ تاعىلادى. ايىپتالۋشىعا تٶرت جىلدان سەگٸز جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا كٶزدەلگەن.
«تەرگەۋ جٷرگٸزٸلۋدە. وسى قىلمىستىق ٸس اياسىندا پوليتسەيلەر اتتراكتسيوندى ۇيىمداستىرۋشىنىڭ وسى قىزمەت تٷرٸنە ليتسەنزيياسى بار-جوعىن, قاۋٸپسٸزدٸك ەرەجەلەرٸ ساقتالعانىن انىقتايدى», - دەدٸ قاراعاندى وبلىسى پد باسپاسٶز قىزمەتٸنەن.
