Qaraǵandyda qonaqúidiń shatyryna ornatylǵan attraktsionda áieldiń qaza bolý isine bailanysty kúdikti ustaldy, dep habarlaidy QazAqparat.
10 qazan kúni «Sozvezdie» qonaqúiiniń aýmaǵynda qaiǵyly oqiǵa oryn alǵan bolatyn. Toǵyz qabatty meimanhananyń shatyryna ornatylǵan attraktsionda 25 metr biiktikten sekirgen áiel kóz jumdy. Ol aýrýhanaǵa óte aýyr jaǵdaida jetkizildi. Meditsinalyq kómekke qaramastan, qaza boldy. Politsiia bul is boiynsha tergeýdi aldymen QR QK-niń 306-baby 1-bóligi («qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetterdi kórsetý») boiynsha qozǵaǵan bolatyn. Alaida, keiin qylmystyq isti QR QK 306-babynyń 3-bóligine («abaisyzda adam ólimine ákep soqtyrǵan áreketter») aýystyrdy. Aiyptalýshy 4-8 jylǵa deiingi merzimge bas bostandyǵynan aiyrylýy múmkin.
Búgin politsiia qyzmetkerleri attraktsionnyń nusqaýshysyn qamaýǵa aldy.
«Tergeý barysynda qaýipsizdik tehnikasyn óreskel buzǵan 32 jastaǵy attraktsion nusqaýshysy anyqtaldy. Kúdikti QR QIJK 128-baby tártibinde ustalyp, ýaqytsha ustaý izoliatoryna qamaldy. Qazirgi ýaqytta tergeý júrip jatyr», - dedi Qaraǵandy oblystyq Politsiia departamentiniń bastyǵy Erlan Faizýllin.
