قاراعاندىدا قوناقٷيدٸڭ شاتىرىنا ورناتىلعان اتتراكتسيوندا ەيەلدٸڭ قازا بولۋ ٸسٸنە بايلانىستى كٷدٸكتٸ ۇستالدى, دەپ حابارلايدى قازاقپارات.
10 قازان كٷنٸ «سوزۆەزديە» قوناقٷيٸنٸڭ اۋماعىندا قايعىلى وقيعا ورىن العان بولاتىن. توعىز قاباتتى مەيمانحانانىڭ شاتىرىنا ورناتىلعان اتتراكتسيوندا 25 مەتر بيٸكتٸكتەن سەكٸرگەن ەيەل كٶز جۇمدى. ول اۋرۋحاناعا ٶتە اۋىر جاعدايدا جەتكٸزٸلدٸ. مەديتسينالىق كٶمەككە قاراماستان, قازا بولدى. پوليتسييا بۇل ٸس بويىنشا تەرگەۋدٸ الدىمەن قر قك-نٸڭ 306-بابى 1-بٶلٸگٸ («قاۋٸپسٸزدٸك تالاپتارىنا ساي كەلمەيتٸن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەردٸ كٶرسەتۋ») بويىنشا قوزعاعان بولاتىن. الايدا, كەيٸن قىلمىستىق ٸستٸ قر قك 306-بابىنىڭ 3-بٶلٸگٸنە («ابايسىزدا ادام ٶلٸمٸنە ەكەپ سوقتىرعان ەرەكەتتەر») اۋىستىردى. ايىپتالۋشى 4-8 جىلعا دەيٸنگٸ مەرزٸمگە باس بوستاندىعىنان ايىرىلۋى مٷمكٸن.
بٷگٸن پوليتسييا قىزمەتكەرلەرٸ اتتراكتسيوننىڭ نۇسقاۋشىسىن قاماۋعا الدى.
«تەرگەۋ بارىسىندا قاۋٸپسٸزدٸك تەحنيكاسىن ٶرەسكەل بۇزعان 32 جاستاعى اتتراكتسيون نۇسقاۋشىسى انىقتالدى. كٷدٸكتٸ قر قٸجك 128-بابى تەرتٸبٸندە ۇستالىپ, ۋاقىتشا ۇستاۋ يزولياتورىنا قامالدى. قازٸرگٸ ۋاقىتتا تەرگەۋ جٷرٸپ جاتىر», - دەدٸ قاراعاندى وبلىستىق پوليتسييا دەپارتامەنتٸنٸڭ باستىعى ەرلان فايزۋللين.
