Órt 700 tonna mazýt tielgen Komor araldarynyń jalaýy bar «Almuntazah» tankeriniń mashina zalynan shyqqan, dep habarlaidy QazAqparat TASS agenttigine silteme jasap.
Almuntazah kemesi Taman portyndaǵy jaǵadan 1,2 mil qashyqtyqtaǵy turaqta turǵan.
«Bortta 700 tonna mazýt bar», - delingen agenttik habarlamasynda.
«Ashyq ot joq, biraq apattyq jaǵdaidaǵy jeldetý sańylaýlarynan qara tútin paida boldy».
Tankerdiń ekipajynda qazir býksirmen shyǵarylǵan jeti reseilik azamat bar, zardap shekkender týraly aqparat joq.
«Biz «Merkýrii» býksirin apattyq kemege qarai baǵyttadyq, biraq ázirge keme iesi de, kapitan da kómek suraǵan joq. Teńizdegi qutqarý kúshteri baqylaýda», - dep qosty Rosmorrechflot ókili.
Tankerde órt shyqqan Qara teńizde sý lastanýynyń izderi joq, dep habarlady TASS agenttigine Rosmorrechflottyń baspasóz qyzmeti.
Sondai-aq, Kerch buǵazynda tasymaldaýǵa eshqandai kedergi joq ekeni aityldy.
