Abai atyndaǵy memlekettik qazaq mýzykalyq drama teatrynda Ulyqbek Esdáýlettiń «Qara pima» poemasynyń jelisimen jazylǵan Aibek Sapyshevtiń dramalyq týyndysynyń premerasy ótedi.
Qoiýshy rejisseri teatrdyń kórkemdik jetekshisi, rejisseri - Erbol Jýasbek. Eń negizgi aitylatyn oi - áke men sheshe jáne bala arasyndaǵy máńgilik mahabbat. Shesheden erte aiyrylǵan jas balanyń taǵdyr taýqymeti, ákeniń keshirilmes qateligi men perzent aldyndaǵy paryzynyń ótelmeýi shyǵarmanyń arqaýyna ainalǵan.
Dramanyń sharyqtaý shegi qoǵamnyń álsiz tusyn ákeniń qateligimen sýrettep, mahabbat uǵymyn ana beinesi arqyly jetkizgen. Adamdar arasyndaǵy áleýmettik tómendik, tutas bir ortanyń ómirge kózqarasyn bildirgen.
Shyǵarmanyń halyqqa oi salatyn elementteri óte kóp. Jaqsylyq pen jamandyq, mahabbat pen ǵadaýat, qarama-qaishylyqtyń bári kórinis arqyly sýrettelgen. Der kezinde qol ushyn sozý, ýaqyt qadiri, adam qundylyǵy spektakldi áserli etip, qýatyn molaita túsken.
Teatr maýsymy ashylǵannan beri qyzyý daiyndyqta júrgen, baby kelisken akterler qaýymy spektaklge tyńǵylyqty daiyndalýda. Ásirese, búgingi qoǵamnyń tynys-tirshiligin tamyrdan basqan shyǵarmanyń shilenisi, ártisterge shabyt berip, spektaldiń kórkem qoiylýyna, shynaiy shyǵýyna, molynan áser etýde.
Siz ómir súrip jatqan qoǵamnyń keibir álsiz tustaryn, sabaq alatyn jaǵymdy, jaǵymsyz jaqtaryn sýretteitin spektakldi kórgińiz kelse premeraǵa kelińizder! 20-30-qazan kúnderi Abai teatrynda.
Merei Qartov, ádebi bólim meńgerýshisi
