Jelide qara burysh koronavirýsty juqtyrýdan qorǵaidy jáne ony tiimdi aldyn alý sharasy retinde qoldanýǵa bolady degen aqparat keńinen tarap jatyr, dep habarlaidy "Ult aqparat" stopfake.kz resýrsyna silteme jasap.
Paidalanýshylardyń sózine sensek, mundai jańalyqty Úndi tehnologiia institýtynyń ǵalymdary ashqan.
Biraq álemdik ǵylymi qaýymdastyq úndi mamandarynyń tujyrymyn qoldaǵan joq. DDSU saitynda qara burysh SARS-CoV-2 virýsy jasýshalaryn toqtata alady degen málimdeme resmi joqqa shyǵaryldy.
«Árine, taǵamǵa qosqanda ashy burysh gastronomiialyq artyqshylyqtarǵa ie, biraq COVID-19-dyń aldyn almaidy jáne emdemeidi» delingen DDSU resmi internet-platformasynda.
DDSU sarapshylary KVI kezinde ǵana emes, sonymen qatar basqa da virýstyq aýrýlardyń aldyn alýdyń eń jaqsy sharalary teńdestirilgen tamaqtaný, kóp sý ishý, fizikalyq belsendilik jáne durys uiqy bolyp tabylatynyn eskertedi.
COVID-19 pandemiiasy kezinde áleýmettik qashyqtyqty saqtaý, maska taǵý, jii qol jýý jáne sanitaizerlerdi qoldaný usynylady.
Sondai-aq, adam kóp jinalatyn jerlerge barmaý kerek. Sozylmaly aýrýy bar jáne 65 jastan asqan adamdarǵa qajetsiz úiden shyqpaýǵa keńes beriledi.
