«Qazgidromet» RMK mamandary aldaǵy úsh kúnge arnalǵan aýa raiy boljamyn jariialady, dep habarlaidy "Ult aqparat".
Qazaqstannyń batysy men soltústiginde túngi úsikke sebepshi bolǵan sýyq antitsiklon shyǵys baǵytqa jyljýda. Aldaǵy úsh táýlikte respýblikanyń ortalyǵy men shyǵysynda aýa temperatýrasy tómendep, úsik júredi.
Sonymen birge, Oral aýdandarynan kezekti sýyq front yǵysyp kele jatyr. Sonyń áserinen respýblikanyń basym bóliginde jaýyn-shashyn bolady. Kúshti ekpindi jel turyp, soltústik oblystarda jańbyr jylbysqy qarǵa aýysady.
Eger ótken úsh táýlikte aýa temperatýrasy ońtústikte, ortalyq pen shyǵysta qalypty normadan 3…6°S joǵary bolsa, senbi kúni normaǵa jaqyndaidy.
Al jeksenbi kúni barlyq óńirlerde aýa temperatýrasy normadan 3…8°S tómen bolady.
