Jeksenbide elimizde tuman túsedi, kóktaiǵaq bolady, jaýytsn jaýyp arty qarǵa ainalady, qatty jel turýy múmkin, dep habarlaidy "Ult aqparat" Qazgidrometke silteme jasap.
«9 aqpanda Qazaqstan aýmaǵynyń basym bóligi tsiklon yqpalynda bolady, soǵan bailanysty jaýyn-shashyn (qar, jańbyr) kútiledi, ońtústik aýdandarda kún kúrkireidi. Tek respýblikanyń batysynda jáne ońtústik-shyǵysynda jaýyn-shashynsyz aýa raiy saqtalady. Respýblika boiynsha kei jerlerde tuman, kóktaiǵaq, jeldiń kúsheiýi saqtalady, soltústikte burqasyn soǵady», delingen boljamda.
Aqmola oblysynyń kei jerlerinde tuman, kóktaiǵaq, burqasyn kútiledi, jel 15-23 m/s kúsheiedi.
Soltústik Qazaqstan, Aqtóbe, Batys Qazaqstan oblystarynyń kei jerlerinde tuman, Aqtóbe oblysynyń kei jerlerinde kóktaiǵaq kútiledi. Qyzylorda, Mańǵystaý, Pavlodar, Qaraǵandy, Shyǵys Qazaqstan oblystarynyń kei jerlerinde tuman, kóktaiǵaq kútiledi, jel 15-23, Shyǵys Qazaqstan oblysynda ekpini 23-28 m/s kúsheiedi.
Qostanai oblysynyń kei jerlerinde tuman, kóktaiǵaq, kúndiz jel 18 m/s jetedi, burqasyn soǵady.
Almaty, Atyraý oblystarynyń kei jerlerinde jel 15-20 m/s, Almaty oblysynyń Jalańashkól aýdanynda ekpini 25 m/s jetedi.
Jambyl oblysynyń kei jerlerinde tuman kútiledi, jel 15-20, ekpini 23-28 m/s, ońtústik-batysynda 30 m/s jetedi, odan da asyp ketýi múmkin.
Túrkistan oblysynda jel kúsheiedi, túnde kei jerlerde 15-20 m/s, kúndiz 15-20, kei jerlerinde 23-28, taý bókterlerinde 30 m/s jáne odan da qatty soǵýy múmkin.
