Iemen, Sýdan, Efiopiianyń kei aýdandarynda, Somalidiń soltústiginde shól shegirtkesi aýyl sharýashylyǵyna qaýip tóndirip tur. BUU-nyń Azyq-túlik jáne aýyl sharýashylyǵy uiymy munyń arty asharshylyqqa ákep soqtyrýy múmkin dep dabyl qaǵýda, dep habarlaidy BUU saity.
Tolassyz jaýǵan nóser jaǵdaidy odan ári qiyndatyp jiberdi. Ásirese Iemenniń jaǵalaýdaǵy aýdandary men Sýdan shegirtkeniń aýyr zardabyn tartyp otyr. Álemdegi eń aýqymdy gýmanitarlyq daǵdarysqa ushyraǵan Iemendegi jaǵdai kúrt nasharlap ketken.
Nóserden keiin barynsha kóbeiip alǵan shegirtke eginniń túgin qaldyrmaýy múmkin.
Eger óńirde shuǵyl sharalar qarastyrylmasa, shegirtkeler kúzde Iemennen Afrika múiisine, jyl aiaǵyna deiin Keniiaǵa jetedi. Keniiada sońǵy ret 2007 jyly shegirtke sherýi bolǵanda, aviatsiiany iske qosýǵa týra kelgen.
Aita keteiik, býnaqdeneliniń san milliondaǵan shegirtkeden turatyn úiiri kúnine 150 shaqyrymǵa deiin ushyp bara alady.
