Qapshaǵaidaǵy demalys oryndary jumysyn 2 tamyzǵa deiin toqtatady, - dep habarlaidy "Ult aqparat".
Qapshaǵai qalasynyń bas sanitarlyq dárigeriniń mindetin atqarýshy L.Iu.Roldýginanyń 2020 jylǵy 22 shildedegi №214 qaýlysymen karantin sharalary qaita kúsheitildi. Búginde elimizdegi karantin sharalaryn 02 tamyzǵa deiin kúsheitý týraly qabyldanǵan sheshimge sáikes, odan bólek qosymsha shekteý sharalary Qapshaǵai qalasynda 25 shildeden bastap engizilip otyr. Atap aitqanda:
1. 25 jáne 26 shilde kúnderi qaladaǵy barlyq bazarlar men azyq-túlik emes dúkender qyzmetin toqtatady.
2. 25 shilde men 02 tamyz aralyǵynda aimaqtaǵy barlyq demalys oryndary men qalalyq jaǵajailar jabylady. Bul nysandarǵa baratyn joldarda mobildi beketter ornatylady.
«Joǵaryda atalǵan sharalar turǵyndardyń densaýlyq qaýipsizdigi men sanitarlyq rejimdi ustaýǵa baǵyttalǵan. Barsha turǵyndardy sanitarlyq rejimdi qatań ustap, betperde taǵýdy suraimyz. Ózińiz jáne jaqynyńyzdyń qaýipsizdigin saqtańyz», - delingen Qapshaǵai qalasy ákimdiginiń arnaiy taratqan habarlamasynda.
