Búgin Qapshaǵai qalasynyń soty Darkembaev A. esimdi azamatty 2 jyl 6 aiǵa bas bostandyǵynan aiyrdy, - dep habarlaidy "Ult aqparat".
Sottalýshy jaiaý júrginshini qaǵyp, jábirlenýshi alǵan jaraqaty saldarynan kóz jumǵan.
QR QK 345 baby 3 bóligi boiynsha kináli dep tanylǵan Darkembaev sonymen qatar jábirlenýshi tarapqa 1 mln teńge moraldyq shyǵyn tóleýge mindetteldi. Sondai-aq, ol 5 jylǵa kólik júrgizý quqyǵynan aiyryldy.
Esterińizge sala keteiik, shilde aiynda áleýmettik jelide video jariialanǵan bolatyn. Ol jerde qarańǵyda jaiaý júrginshi jolynan ótip bara jatqan adamdy kólik qaqqanyn kórýge bolady. Jábirlenýshi alǵan jaraqaty saldarynan aýrýhanada kóz jumdy.
Zańǵa sáikes, mundai qylmysty jasaǵan adam 5 jylǵa deiin bas bostandyǵynan aiyrylady. Biraq sottalýshynyń óz kinásin tolyq moiyndap, bolǵan qaiǵyly jaǵdaiǵa qatty ókinetinin, sondai-aq onyń buryn sottalmaǵany jáne kishkentai balasynyń bolýy onyń jazasynyń jeńildeýine sebep bolǵan.
Úkim kúshine engen joq.
Sondai-aq sot jábirlenýshi tarapqa materialdyq shyǵyndy da óndirýge quqyǵy bar ekenin eskertti. Endi jáberlenýshiler keltirilgen shyǵyndardy dáleldei otyryp azamattyq sotqa shaǵym túsýrýi qajet.
