Sýret: Almaty oblysy TJD baspasóz qyzmeti
Qapshaǵai sý qoimasynda úsh er adam qutqaryldy, - dep habarlaidy Tengrinews.kz tilshisi Almaty oblysy TJD baspasóz qyzmetine silteme jasap.
1 shildede saǵat 18-55-te Qapshaǵai sý qoimasyndaǵy qalalyq jaǵajaida qutqarýshylar patrýldeý júrgizý kezinde jaǵadan 250 metr qashyqtyqta 1997 jylǵy er adamdy qutqardy. Ol úrlemeli matrasqa otyryp, jaǵadan alystap ketken.
"Sol kúni saǵat 19.00–de qutqarýshylar jaǵalaýdan 400 metr qashyqtyqta taǵy eki er adamdy qutqardy. Olardyń biri - 2000 jylǵy er adamnyń sýda aiaǵynyń sińiri tartylyp, sýǵa batyp kete jazdaǵan. Endi biri 1998 jylǵy er adam óz kúshin jete baǵalamai, úreige boi aldyryp sýǵa batyp kete jazdady", - deidi TJD ókilderi.
Qutqarýshylar úsh er adamdy jaǵaǵa evakýatsiialady. Olar meditsinalyq kómekke muqtaj emes ekeni habarlandy.
"Olarǵa sýdaǵy qaýipsizdik erejeleri jáne qutqarý keýdeshesinsiz sýǵa shomylýdyń saldary týraly túsindirme jumystary júrgizildi.
Almaty oblysynyń TJD azamattarǵa sýǵa shomylý maýsymynda barlyq qaýipsizdik sharalaryn saqtaýǵa keńes beredi", - dedi vedomstvo ókilderi.
